Анкәбут сүресі
(29:0) Аса қамқор, ерекше мейірімді Алланың атымен!
(29:2) Адамдар: «Біз иман келтірдік»? дегендері үшін (тек) сынақ емес, қалдырылады деп ойлай ма?
(29:3) Біз олардан бұрынғыларды сынадық; өйткені Алла шыншылдарды біледі және өтірікшілерді біледі!
(29:4) Немесе жамандық істегендер, Бізден қашып құтыламыз деп, ойлай ма? Олар нендей жаман үкім береді!
(29:5) Кім Аллаға жолығуды үміттенсе, әрине Алланың белгілі мезгілі келеді. Ол, аса естуші, толық білуші.
(29:6) Біреу игілік үшін күрессе, сөзсіз өзі үшін күреседі. Әрине Алла, әлемнен бай.
(29:7) Сондай иман келтіріп, ізгі іс істегендердің жамандықтарын әлбетте жоямыз да өздерін істегендерінен көрі жақсырақ сыйлыққа бөлейміз.
(29:8) Адам баласына әке-шешесіне жақсылық қылуды нұсқадық. Егер екеуі саған білмеген нәрсеңді Маған ортақ қосуыңа тырысса, онда ол екеуіне бағынба. Қайтар жерің Мен жақ. Сол уақытта сендерге не істегендеріңді түсіндіремін.
(29:9) Ал иман келтіріп, ізгі іс істегендерді игілерге қосамыз.
(29:10) Адамдардың арасында: «Аллаға сенім (арттық)», - деп айтатындар да бар, ал Алла (жолында) оларды ренжітсе, олар Адамдардың сынауын Алланың жазасы деп санайды. Раббыңнан бір көмек келген кезде: «Біз де сенімен бірге болдық», - дейді. Алла білгендердің CD-Rдағыны жақсырақ біледі емес пе?
(29:11) Әлбетте Алла иман келтіргендерді де біледі. Әрине мұнафықтарды да біледі.
(29:12) Сондай кәпірлер, иман келтіргендерге: “Біздің жолымызға ілесіңдер, қателіктеріңді біз көтерейік” деді. Негізінен олар, бұлардың күнәларынан еш нәрсе көтеруші емес. Расында олар суайт.
(29:13) Әрине олар, өз жүктерін де онымен бірге басқа жүктер де көтереді. Әлбетте олар қиямет күні, жасама істерінен сұраққа тартылады.
(29:14) Біз Нұхты өз халқына жібердік. Солардың арасында ол елу жылы кем мың жыл жасады. Олар заңға бағынбай топан су астында қалды.
(29:15) Оны және кемедегі жолдастарын құтқарып, ол уақиғаны әлемдерге ғибрат қылдық.
(29:16) Ибрахимді де. Сол уақытта еліне: “Аллаға құлшылық қылыңдар да Одан қорқыңдар. Егер білсеңдер, оларың сендер үшін қайырлы” деді.
(29:17) “Алладан өзге табынғандарың, сендерге ризык бере алмайды. Онда ризықты Алланың қасынан іздеңдер. Оған құлшылық қылыңдар да Оған шүкір етіңдер. Сол жаққа қайтарыласыңдар.”
(29:18) “Егер сендер жасынға шығарсаңдар, расында бұрынғы үмметтер де жасынға айналдырған. Елшінің міндеті ашық жеткізу ғана.”
(29:19) Олар көрмеді ме? Алла жаратуды қалай бастайды, сосын оны қайтарады. Расында бұл Аллаға оңай.
(29:20) “Жер жүзінде кезіңдер де жаратылыс қалай басталғанын көріңдер. Тура солай Алла ақырет өмірін де жаратады. Расында Алланың әр нәрсеге күші жетеді” де.
(29:21) Кімді қаласа, азап қылады да кімді қаласа, мәрхамет етеді. Сондай-ақ Сол жаққа бұрыласыңдар.
(29:22) Сендер жерде де көкте де Алланы әлсірете алмайсыңдар. Сондай-ақ сендерге Алладан өзге не дос не жәрдемші жоқ.
(29:23) Сондай Алланың аяттарына әрі өзіне қауышуға қарсы келгендер; міне солар, рахметімнен күдер үзді. Сондай-ақ олар үшін күйзелтуші азап бар.
(29:24) Сонда елінің жауабы: “Ыбырайымды өлтіріңдер немесе оны өртеңдер” деу ғана болды. Алла оны оттан құтқарды. Сөз жоқ, бұнда сенген елге ғибраттар бар.
(29:25) “Шын мәнінде сендер дүние тіршілігінде өзара достық үшін Алладан өзге пұттар жасап алдыңдар. Сосын қиямет күні бір-біріңе қарсы шығып, бір-біріңді қарғайсыңдар да орындарың тозақ болып, сендерге ешбір жәрдемші болмайды” деді.
(29:26) Сонда Лұт оған иман келтірді. “Шын мәнінде мен Раббым жаққа жөнелемін. Күдіксіз Ол, үстем, хикмет иесі” деді.
(29:27) Оған Исхақты, Яғқұпты бердік те оның ұрпақтарына кітап, пайғамбарлық мәрхамет еттік. Әрі өзіне дүние сыйлығын бердік. Әрине ол, ақыретте де ізгілерден.
(29:28) Лұтқа да. Сол уакытта еліне: “Рас өздеріңнен бұрын әлемде ешкім істемеген арсыздықты істедіңдер” деді.
(29:29) “Рас сендер еркектерге жақындасасыңдар да жол кесіп, және мәжілістеріңде жамандық істейсіңдер ме?”. Сонда елінің жауабы: “Егер шыншылдардан болсаң, қане бізге Алланың азабын келтірші” дегеннен басқа болмады.
(29:30) “Раббым! Бұзақы елге қарсы маған жәрдем бере көр!”,- деді.
(29:31) Елшілеріміз, Ибрахимге шүйіншімен келген сәтте: “Осы халқы залым болған кентті рас жоқ етеміз” десті.
(29:32) Ибрахим: “Әрине онда Лұт та бар” деді. “Ол жерде кімнің болғанын жақсы білеміз; кейін қалушылардан болатын қатынынан басқа өзін де үй-ішін де әлбетте құтқарамыз” деді.
(29:33) Елшілеріміз Лұтқа келген сәтте, олардың салдарынан қынжылып, көңлі тарайды. Олар: “Қорықпа да кейіме. Сөз жоқ, кейін қалушылардан болатын жұбайыңнан басқа өзіңді де семьяңды да құтқарамыз” деді.
(29:34) “Бұл кент халқына бұзықтықтарының салдарынан көктен пәле жаудырамыз.”
(29:35) Расында ойлаған елге; одан ашық өнеге қалдырдық.
(29:36) Мәдянға туыстары Шұғайыпты жібердік те: “Әй елім! Аллаға құлшылық қылыңдар да ақырет күнінен үміт етіңдер. Жер жүзінде бұзақылық істеп, жүрмеңдер” деді.
(29:37) Сонда елі оны жасынға шығарды. Сондықтан жер қатты сілкініп, жұрттарында типыл болды.
(29:38) Сондай-ақ Ғад, Сәмүд. Расында сендерге олардың жұрттарынан-ақ байқалады. Шайтан олардың қылықтарын әдемі көрсетіп, оларды жолдан тосты; олар көріп, біліп тұрса да.
(29:39) Қарұн, Перғауын және Һаманды да. Расында Мұса оларға ашық белгілер келтірген еді де олар жер жүзінде дандайсыған еді. Сонда да олар қашып құтыла алмады.
(29:40) Олардың күнәларының салдарынан кейбіреулерін; үстіне тас жаудырып, кейбіреулерін; ащы дауыспен, кейбірлерін; жерге жұттырып және кейбіреулерін де суға батырып, бәрін қолға алдық. Алла оларға зұлымдық етпеді. Бірақ олар өздеріне зұлымдық етті.
(29:41) Алладан өзгені ие етіп алғандар; ұя жасап алған өрмекшінің мысалы сияқты: Шын мәнінде үйлердің ең осалы өрмекшінің ұясы. Егер олар білетін болса.
(29:42) Сөз жоқ, Алла (Т.) олардың өзінен өзге кімге жалбарынғанын біледі. Ол, өте үстем, хикмет иесі.
(29:43) Міне осы мысалдарды адамдар үшін келтіреміз. Бірақ оларды білгендер ғана түсінеді.
(29:44) Алла көктер мен жерді ақиқат бойынша жаратты. Расында бұнда иман келтіргендер үшін бір дәлел бар.
(29:45) Киелі жазбадан саған рухтың жетелеуімен жазылған нәрсені оқып синтезін анықта. Расында, синтез жиіркенішті (істерден) сақтайды және айыпты. Бірақ Аллаға (қатысты) әдіс (абстракция) одан да маңыздырақ және Алла не істеп жатқаныңды біледі.
(29:46) Іштеріндегі зұлымдық қылғандарынан басқа Кітап иелерімен көркем түрде сөз таластырыңдар. Оларға: "Бізге түсірілгенге де, сендерге түсірілгенге де иман келтірдік. Және біздің Тәңіріміз де, сендердің Тәңірлерің де біреу-ақ. Біз Оған бой ұсынғандармыз" деңдер.
(29:47) Осылайша саған Кітап түсірдік. Сондықтан өздеріне кітап бергендеріміз оған сенеді. Және осылардан да оған сенетіндер бар. Аяттарымызға кәпірлер ғана қарсы келеді.
(29:48) Сен бұған дейін (ешбір) Жазба оқылмадың және өз қолыңмен көшірмедің. Әйтпесе, отірікті ұстанушылар күмәндататын еді.
(29:49) Олай емес. Негізінде Құран, өздеріне ғылым берілгендердің көңілдерінде айқын аяттар. Аяттарымызға залымдар ғана қарсы келеді.
(29:50) Олар: “Оған Раббынан неге мұғжизалар түсірілмейді?”,- десті. “Мұғжизалар; Алланың ғана жанында. Шын мәнінде мен ашық ескертуші ғанамын” де.
(29:51) Әрине оларға оқылып жатқан Кітапты саған түсіргеніміз өздеріне жетіп аспай ма? Сөз жоқ. Құранда, иман келтірген ел үшін әрине игілік және үгіт бар.
(29:52) Алла, мені мен сендердің арамызда куәлікте жеткілікті. Өйткені Ол, көктердегі әрі жердегі нәрселерді біледі. Сондай бос нәрселерге сеніп, Аллаға қарсы келгендер, міне солар; зиянға ұшыраушылар.
(29:53) Олар, сенен азапты тездетіп тілейді. Егер мерзім белгіленген болмаса, әлбетте оларға апат келер еді. Әрине, олар сезбеген түрде азап келеді.
(29:54) Олар, өзіңнен апаттың жедел келуін сұрайды. Сөз жоқ! Тозақ кәпірлерді әрине орап алады.
(29:55) Сол күні апат, оларды төбелерінің үстінен де, аяқтарының астынан да қоршап алады да: “Қылықтарыңның дәмін татыңдар” дейді.
(29:56) Әй иман келтірген құлдарым! Әрине жерім кең. Сондықтан Маған ғана ғибадат қылыңдар.
(29:57) Әрбір жан иесі өлімді татады. Сосын Біз жаққа қайтарылады.
(29:58) Иман келтіріп, ізгі іс істегендер, әлбетте оларды жаннаттың астынан өзендер ағатын жоғарғы орындарына орналастырамыз да олар онда мәңгі қалады. Амал істеушілердің сыйлығы нендей әйбет.
(29:59) Сондай сабыр етіп, Раббыларына тәуекел етеді.
(29:60) Қаншалаған жан-жануар бар; қорегін көтеріп жүрмейді. Алла (Т) оларды да сендерді де қоректендіреді. Ол тым естуші, білуші.
(29:61) Егер олардан: “Көктер мен жерді кім жаратты және күн мен айды кім іске қосты?”,- деп сұрасаң, әлбетте: “Алла” дейді. Сонда олар қайда лағып барады.
(29:62) Алла құлдарынан кімді қаласа, несібесін кеңітеді де тарылтады. Күдіксіз Алла әр нәрсені толық біледі.
(29:63) Ал егер олардан: “Көктен жаңбыр жаудырып, онымен жерді өлімнен кейін жандандырған кім?”,-деп сұрасаң, әлбетте: “Алла” дейді. “Барлық мақтау Аллаға лайық” де. Бірақ олардың көбі түсінбейді.
(29:64) Бұл дүние тіршілігі бір ойыншық, ермек ғана. Күдіксіз ақырет жұрты анық тіршілік. Әттең! Олар білсе.
(29:65) Олар кемеге мінген кезде, имандарын шын ықыласпен Аллаға жалбарынады. Қашан Ол оларды құтқарса, (және шығарса), жерге түсіргенде, олар (бірден) серік қосады.
(29:66) Өздеріне берген нәрселерімізге қарсы бола тұрсын әрі олар пайдалана тұрсын. Бірақ жедел олар біледі.
(29:67) Маңындағы адамдар қағып әкетіліп тұрғанда, Меккені ардақты және бейбіт орын еткенімізді көрмеді ме? Сонда бос нәрсеге сеніп Алланың нығметіне нәсүкірлік қыла ма?
(29:68) Аллаға жасанды жала жапқаннан немесе келген шындыққа қарсы болғаннан залым бар ма? Кәпірлердің орны тозақ емес пе?
(29:69) Сондай жолымызда күрескендерді әлбетте тура жолдарымызға саламыз. Рас Алла жақсылық істеушілермен бірге.
