Духан сүресі
(44:0) Аса қамқор, ерекше мейірімді Алланың атымен бастаймын.
(44:2) Ашық баян етуші Құранға серт.
(44:3) Шын мәнінде оны құтты бір кеште түсірдік. Расында Біз ескертушіміз.
(44:4) Ол кеште барлық хикметті істер айрылады.
(44:5) Бұл өз қасымыздан бір бұйрық. Расында Біз жіберушіміз.
(44:6) Раббыңның игілігі. Күдіксіз Ол, әр нәрсені естуші, толық білуші.
(44:7) Егер анық сенетін болсаңдар, көктер мен жердің әрі екі арасындағылардың Раббы.
(44:8) Одан басқа ешбір тәңір жоқ. Тірілтеді, өлтіреді. Сендердің де Раббыларың, бұрынғы аталарыңның да Раббы.
(44:9) Бірақ олар, бір күдік ішінде ойнауда.
(44:10) Ендеше аспанның бір ашық түтін келтіретін күнін күт.
(44:11) Адамдарды қаптап алады; Бұл жан түршігерлік азап.
(44:12) Олар: “Раббымыз! Бізден бұл азапты айықтыр. Шынында иман келтіргенміз.”
(44:13) Оларға үгіт алу қайда? Расында оларға ашық түсіндіруші елші келген.
(44:14) Сосын олар одан бұрылды да: “Үйретілген бір жынды” деді.
(44:15) Расында бейнетті біраз айықтырамыз. Дау жоқ! Сендер қайталайсыңдар.
(44:16) Өте қатты ұстаумен ұстаған күні, әрине тиісті жазасын береміз.
(44:17) Расында бұлардан бұрын Перғауын елін де сынаған едік. Оларға ардақты елші келген.
(44:18) Ол деді: «Маған Алланың құлдарын қайтар. Мен сендерге сенімді елімін.
(44:19) “Аллаға астамшылық қылмаңдар. Шын мәнінде сендерге ашық дәлелмен келдім.”
(44:20) “Күдіксіз мен сендердің таспен атуларыңнан Раббыма және сендердің де Раббыларың (Аллаға) сиындым.”
(44:21) “Егер маған иланбасаңдар, менен аулақ болыңдар.”
(44:22) Сонда: “Бұлар қылмысты ел” деп, Раббына жалбарынды.
(44:23) “Құлдарымды түнде алып кет. Сөз жоқ, арттарыңа қуғыншы түседі.”
(44:24) “Теңізді ашық қойып қой. Өйткені олар суға бататын ләшкер!
(44:25) Олар қаншалаған бақшалар, бұлақтар қалдырды;
(44:26) Қаншалаған егіндер, көркем мекендерді де.
(44:27) Сондай-ақ ішінде қарқ болып кенелген дәулеттерді де.
(44:28) Осылайша оларға басқа бір елді мұрагер қылдық.
(44:29) Оларды аспан да, Жер де, жылаған жоқ және оларға мерзім (берілмеді).
(44:30) Расында Израил ұрпақтарын қорлаушы бейнеттен құтқардық;
(44:31) Перғауыннан. Өйткені ол, тым шектен шығушылардан еді.
(44:32) Расында Израил ұрпақтарын біле тұра әлемге ықпалды қылдық.
(44:33) Сондай-ақ оларға мұғжизалар бердік. Онда ашық сынау бар еді.
(44:34) Күдіксіз олар, бүйдейді:
(44:35) “Бізге осы алғашқы өлімнен басқа түк жоқ. Сондай-ақ біз қайта тірілмейміз;”
(44:36) “Мүбада рас айтушы болсаңдар, аталарымызды алып келіңдерші;”
(44:37) Олар артық па? Немесе Тұббағ елі ме? Олардан бұрынғы елдер ме? Оларды да жоқ еттік. Өйткені олар қылмысты еді.
(44:38) Біз Аспанды мен Жерді және олардың арасындағы нәрсені, көңіл көтеру үшін жаратпадық.
(44:39) Біз оларды (Аспанды мен Жерді) тек ақиқат үшін жараттық, бірақ олардың көпшілігі бұл туралы білетін емес.
(44:40) Расында, Айыру күні — барлығы үшін (белгіленген) мерзім.
(44:41) Жақын адам өзінің сүйіктісіне ешбір көмек көрсетпейтін.
(44:42) Және Алла рақым еткендерден басқа ешкімге көмек берілмейтін күн болады. Расында, Ол Құдіретті, Мейірімді.
(44:43) Шынында заққұм ағашы;
(44:44) Күнәкарлардың тамағы.
(44:45) Балқыған кен сияқты қарындарында қайнайды.
(44:46) Қайнаған су құсаған.
(44:47) “Оны ұстаңдар да сүйретіп, тозақтың ортасына тастаңдар.”
(44:48) “Сосын басының үстіне азап ретінде қайнар су қойыңдар.”
(44:49) “(Азапты) тат. Расында сен өзіңше үстем, құрметті едің.”
(44:50) “Шынында күдіктенген нәрселерің осы.”
(44:51) Шын мәнінде тақуалар аман бір орында болады;
(44:52) Бақшаларда, бұлақтарда,
(44:53) Жұқа қалың жібектер киіп, ерсілі-қарсылы отырады.
(44:54) Осы сияқты, сондай-ақ оларды бота көз хұрлармен үйлендіреміз.
(44:55) Ол жерде бейбіт түрде әр түрлі жемісті сұрай алады.
(44:56) Ол жерде дүниедегі алғашқы өлімнен басқа ешбір өлім татпайды. Алла оларды тозақтың азабынан сақтаған.
(44:57) Раббыңнан кеңшілік, міне осы зор қол жеткендік.
(44:58) Расында сақтанулары үшін оны тіліңнен жеңілдеттік.
(44:59) Нәтижені сен де күт. Расында олар да күтуде.