Зарият сүресі
(51:0) Аса қамқор, ерекше мейірімді Алланың атымен бастаймын.
(51:1) Соғып ұшырушы желдерге,
(51:2) Мол жаңбыр көтеруші бұлттарға,
(51:3) Жеңіл жүруші кемелерге,
(51:4) Істі бөлуші періштелерге серт!
(51:5) Шын мәнінде сендерге уәде етілген қиямет әрине рас.
(51:6) Әлбетте қиямет болады.
(51:7) Және аспан - (ғарыш) (ұшақтардың) бір-бірінен бөлінуі!
(51:8) Күмәнсіз сендер талас-тартыс сөздесіңдер.
(51:9) Шындықтан бұрылған бұрылады.
(51:10) Ой жорушылар құрысын.
(51:11) Міне солар, білімсіздік ішінде жаңылуда.
(51:12) Олар: “Қиямет қашан?” деп сұрайды.
(51:13) Ол, олардың отқа жағылатын күні.
(51:14) Оларға: “Азаптарыңды татыңдар! Асығып, тілегендерің осы” (делінеді).
(51:15) Шәксіз тақуалар бақшаларда, бұлақтарда болады.
(51:16) Олар, өздеріне Раббыларының бергенін алады. Өйткені олар, бұдан бұрын жақсылық істеуші еді.
(51:17) Олар түнде аз ғана ұйықтаушы еді.
(51:18) Олар таң сәрілерде жарылқану тілеуші еді.
(51:19) Олардың малдарында; сұрағанға да сұрамағанға да тиесі бар.
(51:20) Және Жер бетінде, дәлелдер - Сенімділер үшін,
(51:21) Және өздеріде. Көрмейсің бе?
(51:22) Сендердің несібелерің әрі уәде етілген нәрселер көкте.
(51:23) Көк пен жердің Раббына серт. Шүбәсыз бұл, сендердің сөйлегендерің сияқты рас.
(51:24) Саған Ибрахимнің ардақты қонақтарының әңгімесі келді ме?
(51:25) Олар кіргенде: “Сәлем” десті. “Сәлем, бөгде қауым” деді.
(51:26) Дереу үйіне барып, семіз бір бұзау әкелді.
(51:27) Оны оларға жақындатып: “Жемейсіңдер ме?”,-деді.
(51:28) Олардан тіксініп, қорықты. Олар: “Қорықпа!”,- деді де оны білгіш бір ұлмен куантты.
(51:29) Сонда оның жұбайы, алдына ойбайлап келіп, өз бетін ұрды да: “Баладан қалған бір кемпірмін” деді.
(51:30) Олар: “Осылайша Раббың бұйырды. Өйткені Ол, аса дана, толық білуші” десті.
(51:31) “Әй елшілер! Бұйымтайларың не?”,- деді.
(51:32) “Шынында біз қылмысты бір елге жіберілдік.”
(51:33) “Оларға балшықтан пісірілген тас жаудыру үшін!”
(51:34) “Раббың тарапынан, шектен шығушылар үшін белгіленген” (деді).
(51:35) Ол жерден мүміндерді шығардық.
(51:36) Дегенмен ол жерде Мұсылманнан бір үйден басқа таппадық.
(51:37) Ол арада күйзелтуші азаптан қорқушылар үшін бір ғибрат қалдырдық.
(51:38) Мұсада да бар. Оны ашық мұғжизалармен жіберген уақытта:
(51:39) Перғауын сыбайластарымен теріс айналып: “Жады немесе жынды” деді.
(51:40) Сондықтан оны әрі ләшкерлерін қолға алып, оны өзіне сөгіс берген түрде теңізге тастадық.
(51:41) Ғад елінде де бар. Сол уақытта оларға зиянды қатты дауыл жібердік;
(51:42) Ол, тиген нәрсесін мүлде шіріген сүйектей етіп тастайды.
(51:43) Сәмүд елінде де бар. Сол уақытта оларға: “Бір мерзімге дейін пайдалана тұрыңдар” делінді.
(51:44) Сонда олар, Раббыларының әміріне қарсы келді. Сондықтан олар, қарап түрғанда найзағай түсті.
(51:45) Сонда олардың тұруға да шамалары келмеді, әрі жәрдем де көрмеді.
(51:46) Бұрын Нұх елін жоқ еттік. Өйткені олар, бұзақы ел еді.
(51:47) Аспанды құдыретімізбен жасадық. Шын мәнінде күшіміз жетеді.
(51:48) Сондай-ақ жерді төседік. Не деген жақсы төсеушіміз.
(51:49) Түсінулерің үшін әр нәрсені жұбымен жараттық.
(51:50) “Алла жаққа жүгіріңдер. Сөзсіз мен, Оның тарапынан сендерге ашық ескертушімін” (де).
(51:51) “Алламен бірге басқа тәңір қылмаңдар. Шын мәнінде сендерге ашық ескертушімін” (де).
(51:52) Міне осылайша олардан бұрынғылар да елші келгенде, оларды: “Мүлде жады немесе жынды” деген.
(51:53) Олар бұл жөнде өзара келіскен бе? Жоқ, олар шектен шыққан қауым.
(51:54) Олардан бет бұр. Сонда сөгіске ұшырамайсың.
(51:55) Үгітте! Өйткені үгіт мүміндерге пайда береді.
(51:56) Жын мен адамзатты өзіме құлшылық қылулары үшін ғана жараттым.
(51:57) Олардан бір ризық тілемеймін әрі олардың Мені тамақтандыруларын да тілемеймін.
(51:58) Расында Аллаһ - Ол (барлық нәрсеге) Ризық беруші, иеленуші Құдіретті, Күшті.
(51:59) Сөз жоқ. Сондай зұлымдық қылғандардың, жолдастарының күнәлары тәрізді күнәлары бар. Сондықтан Менен асығып тілемесін.
(51:60) Өздеріне уәде етілген күнге қарсы келгендерге нендей өкініш!