Набаа сүресі
(78:0) Аса қамқор, ерекше мейірімді Алланың атымен бастаймын.
(78:1) Олар не нәрседен сұрасады?
(78:2) Зор уақиғадан.
(78:3) Олар, ол жөнде таласуда.
(78:4) Әсте олай емес, олар тез біледі.
(78:5) Тағы олай емес, олар тез біледі.
(78:6) Жерді бір төсеніш қылмадық па?
(78:7) Тауларды қазық…
(78:8) Сендерді жұп-жұп жараттық.
(78:9) Ұйқыларыңды дем алыс қылдық.
(78:10) Түнді жамылғы қылдық.
(78:11) Күндізді тіршілікке жараттық.
(78:12) Үстеріңе жеті қат берік көк құрдық.
(78:13) Жарқыраған шырақ жараттық.
(78:14) Сығылысқан бұлттардан мол жаңбыр жаудырдық.
(78:15) Онымен дәнді дақылдарды, өсімдіктерді шығару үшін;
(78:16) Және ну бақшалар…
(78:17) Расында, азғындау күні белгіленген уақытта (келеді).
(78:18) Сурнай үрленетін күні топ-топ, болып келесіңдер,
(78:20) Қақпа және таулар қозғалып, күзетші болатын күні.
(78:21) Әлбетте тозақ күтіп тұрады;
(78:22) Азғындардың барар жері.
(78:23) Олар онда ғасырларша тұрады.
(78:24) Олар онда салқындамайды да сусын татпайды.
(78:25) Бірақ қайнап тұрған су және ірің ішеді.
(78:26) Қылмыстарына сай бір жаза.
(78:27) Өйткені олар, есепке тартылуды ойламаған еді.
(78:28) Аяттарымызды мүлде жасынға шығарған еді.
(78:29) Әр нәрсені жазып, сақтадық.
(78:30) “Енді татыңдар; ал енді сендерге азаптан басқа еш нәрсе таттырмаймыз”.
(78:31) Негізінде тақуалар үшін құтылу бар.
(78:32) Бақшалар, жүзімдер бар.
(78:33) Жас өспірім құрдас қыздар бар.
(78:34) Толып, тасыған кесе бар.
(78:35) Олар онда бос сөз және өтірік естімейді;
(78:36) Раббыңнан толық бір сыйлық.
(78:37) Көктер мен жердің әрі арасындағылардың Раббы; аса есіркеуші, Оған ешкім тіл қата алмайды.
(78:38) Ол күні Рух және періштелер, тізіліп тұрады. Алланың рұқсатынсыз ешкім сөйлемейді әрі дұрысын ғана сөйлейді.
(78:39) Сол күн хақ. Ендеше кім қаласа, Раббына барар жол тұтсын.
(78:40) Негізінде жақын бір азапты ескерттік. Ол күні алдын ала не істегеніне қарайды. Кәпір: “Әттең! Топырақ болып кеткен болсам” дейді.