Нәжм сүресі

(53:0) Аса қамқор, ерекше мейірімді Алланың атымен бастаймын.

(53:1) Батып бара жатқан жұлдыздарға серт.

(53:2) Жолдастарың адаспады да, ауытқымады.

(53:3) Ол өз ойынан сөйлемейді.

(53:4) Сөйлегені көкейіне салынған уахи ғана.

(53:5) Оған оны өте күшті үйретті.

(53:6) Ол қуат иесі тура тұрды.

(53:7) Ол, жоғары көк жиекте еді.

(53:8) Ол, жақындап төмендеді.

(53:9) Тіпті садақтың екі басындай әлде жақынырақ.

(53:10) Сонда Алла, құлына уахи ететін нәрселерін көкейіне салды.

(53:11) Оның көзінің көргенін көңлі жалғанға шығармады.

(53:12) Ал енді оның көрген нәрсесіне сендер таласасыңдар ма?

(53:13) Расында ол, оны көрді.

(53:14) Тұрақтау ағашының жанында.

(53:15) Оның қасында Мәуа жаннаты бар.

(53:16) Сол уақытта ағашты қаптаған нәрсе қаптады.

(53:17) Көзі таймады да, үстірт қарамады.

(53:18) Расында ол, Раббының ірі белгілерін көрді.

(53:19) Лат пен Ғұззаны көрдіңдер ме?

(53:20) Үшінші басқа Менатты?

(53:21) Еркек сендердікі де, ұрғашы Алланікі ме?

(53:22) Онда бұл, орынсыз бір бөліс.

(53:23) Бұл, сендер және аталарың қойған құр аттар ғана. Алла оларға байланысты бір дәлел түсірген жоқ. Олар ойларына көңілдері қалағанына ғана ереді. Расында оларға Раббыларынан туралық келді.

(53:24) Немесе адамзатқа көксегені бола бере ме?

(53:25) Негізінде ақырет, дүние Алланың иелігінде.

(53:26) Көктерде қаншалаған періште бар. Алла қалап, разы болған кісісіне рұқсат бермейінше, олардың шапағаты еш нәрсеге жарамайды.

(53:27) Расында, Соңғы өмірге иман келтірмегендер сенбегендер, Періштелерді әйел есімдерімен аттайды.

(53:28) Негізінде оған байланысты бір мәліметтері жоқ. Ойға ғана ереді. Шын мәнінде құр ой, шындық жағынан еш нәрсеге тұрмайды.

(53:29) Үгітімізден жалтарып, дүние тіршілігін ғана қалаған кісіден бет бұр.

(53:30) Міне олардың білімі осыған-ақ жетеді. Шынында Раббың жолынан адасқан кісіні де жақсы біледі. Және тура жолға түскенді де жақсы біледі.

(53:31) Көктердегі әрі жердегі нәрселер Аллаға тән. Сондай жамандық істегендер, істегендерімен жазаланады да жақсылық істегендерді жақсылыққа бөлейді.

(53:32) Қасылары (жоғарыда берілгендерден басқа) үлкен күнәлар мен жиеркенішті, істерден қашық болғандар. Расында, сенің Раббың кең кешірімді. Ол сендерді жерден жаратқанда да, жұмақта аналарыңның құрсағында (болған кездегіні) де хабардар. Ендеше өздерің, мақтанбаңдар ойткені Ол үшін жауапкершілікті (көрсететін адамдарды) білуі (жақсы).

(53:33) Сондай бет бұрғанды көрдің бе?

(53:34) Ол, аз берді, тоқтатты.

(53:35) Оның жанында құпия білім болып, шындықты сол көре ме?

(53:36) Оған Мұсаның нұсқаларындағы нәрселер білдірілмеді ме?

(53:37) Сондай-ақ әмірді орындаушы Ибрахимнің де.

(53:38) Ешбір күнәкар, басқаның күнәсын көтермейді.

(53:39) Адамзат; еңбегіне қарай ғана табысқа ие болады.

(53:40) Сөз жоқ, еңбегінің нәтижесін жедел көреді.

(53:41) Сонсоң оған еңбегінің бодауы толық беріледі.

(53:42) Күдіксіз Раббыңа тиянақтайды.

(53:43) Шын мәнінде күлдірген де, жылатқан да Ол.

(53:44) Өйткені, өлтірген де, тірілткен де Ол.

(53:45) Шүбәсыз Алла, ер, әйелді жұп жаратқан.

(53:46) Тамызылған бір тамшы “мәни” суынан.

(53:47) Шәксіз екінші жасау да Оған тән.

(53:48) Сөз жоқ, байытқан да, өркендеткен де Ол.

(53:49) Расында Ол, “Шығра” жұлдызының Раббы.

(53:50) Күдіксіз бұрынғы Ғад елін жоқ етті.

(53:51) Сондай-ақ Сәмүд елін де қалдырмады.

(53:52) Одан бұрын Нұхтың қауымын да. Өйткені олар өте залым, тым жолдан шыққан еді.

(53:53) Төңкерілген кентті жермен-жексен етті.

(53:54) Сонда оларды апат қаптаған сайын қаптады.

(53:55) Ал енді Раббыңның қай нығметтерінен күмәнданасыңдар.

(53:56) Бұл бұрынғы ескертушіден бір ескертуші.

(53:57) Қиямет жақындады.

(53:58) Оны Алладан өзге әшкерелеуші жоқ.

(53:59) Ал енді сендер осы сөзге таңырқайсыңдар ма?

(53:60) Күлесіңдер, жыламайсыңдар.

(53:61) Сендер кәперсізсіңдер.

(53:62) Ал енді Аллаға сәжде қылып, құлшылық істеңдер.