Тин сүресі
(95:0) Аса қамқор, ерекше мейірімді Алланың атымен бастаймын.
(95:1) Інжірге және зәйтүнге,
(95:2) Сина тауына,
(95:3) Осы бейбіт қалаға серт.
(95:4) Расында адамзатты көркем бейнеде жараттық.
(95:5) Сосын оны төмендердің төменіне қайтардық.
(95:6) Бірақ иман келтіріп, ізгі іс істегендер басқа. Оларға таусылмас сыйлық бар.
(95:7) Бұдан кейін саған дінді өтіріксіндірген не?
(95:8) Алла, үкім етушілердің ең жоғарғысы емес пе?