Тәкуир сүресі
(81:0) Аса қамқор, ерекше мейірімді Алланың атымен бастаймын.
(81:1) Күн бүктелген сәтте,
(81:2) Жұлдыздар солып шашылған сәтте,
(81:3) Таулар жүргізілген сәтте,
(81:4) Қаймал іңгендер, иен жіберілген сәтте,
(81:5) Жан-жануарлар жиналған сәтте,
(81:6) Теңіздер қайнатылған сәтте,
(81:7) Жан тәнмен бірлестірілген сәтте,
(81:8) Тірі көмілген қыздар сұралған сәтте;
(81:9) Қай күнәмен өлтірілді?
(81:10) Дәптерлер ашылған сәтте,
(81:11) Және қашан Аспан метаморфозаға (ұшыраған кезде),
(81:12) Тозақ қыздырылған сәтте,
(81:13) Жұмақ жақындатылған сәтте;
(81:14) Әркім не әзірлегенін біледі.
(81:15) Жоқ, солғындаған жұлдыздарға серт,
(81:16) Жүріп барып батқан жұлдыздарға ант.
(81:17) Қараңғылана бастаған түнге серт,
(81:18) Ағара бастаған таңға серт;
(81:19) Негізінен бұл ардақты Елшінің сөзі.
(81:20) Ол күшті, ғаршының Иесінің қасында беделді,
(81:21) Ықпалды, онда сенімді.
(81:22) Жолдастарың жынды емес.
(81:23) Расында ол, оны ашық көк жиекте көрді.
(81:24) Ол ғайыптан келген уахи туралы кемшілік істемеді.
(81:25) Құран, қуылған шайтанның сөзі емес.
(81:26) Ендеше, қайда кетіп бара жатырсыңдар?
(81:27) Ол бүкіл әлемге насихаттан басқа еш нәрсе емес.
(81:28) Әрине сендерден тура жолды қалаған кісілер үшін;
(81:29) Әлемдердің Раббы Алла, қаламайынша тілеулерің жүрмейді.