Қияма сүресі
(75:0) Аса қамқор, ерекше мейірімді Алланың атымен бастаймын.
(75:1) Жоқ, қиямет күніне ант етемін.
(75:2) Жоқ, сөгіс беруші нәпсіге ант етемін.
(75:3) Адам баласы, біз сүйектерді жинай алмайды деп ойлай ма?
(75:4) Әрине оны саусақтарының ұшына дейін қайта жасай аламыз.
(75:5) Бірақ адам баласы, күнәны жалғастыра бергісі келеді.
(75:6) “Қиямет күні қашан болады?”,- деп, сұрайды.
(75:7) Қашан көз шағылысқан,
(75:8) Ай тұтылған,
(75:9) Күн мен ай бір араға келтірілген кезде.
(75:10) Адамдар сол күн: “Қашар жер қайда?”,- дейді.
(75:11) Жоқ, әсте пана жоқ.
(75:12) Ол күнгі тұрақ; Раббыңның алды.
(75:13) Сол күні адам баласына ілгері кейін істегені білдіріледі.
(75:14) Әрине адам баласы өзіне-өзі көздеуші:
(75:15) Егер барлық желеулерін ортаға қойса да.
(75:16) Қозғама онымен тіліңді асықтырып оны.
(75:17) Шын мәнінде оны жинау, оқу Бізге міндет.
(75:18) Ал оны Біз оқығанда, оның оқылуына ілес.
(75:19) Сосын оны түсіндіру Бізге міндет.
(75:20) Жоқ, олай емес. Сендер тез кететін дүниені жақсы көресіңдер.
(75:21) Ақыретті тастап, қоясыңдар.
(75:22) Қиямет күні, кейбір жүздер жарқылдап;
(75:23) Раббына қарайды.
(75:24) Ол күні, кейбір жүздер томсаруда болады.
(75:25) Өзіне бел үзетін қинау жасалады деп ойлайды.
(75:26) Жоқ олай емес. Жан алқымға келген кезде;
(75:27) “Кім шара көреді?”,- делінеді.
(75:28) Ол шын мәнінде айрылу екенін сезеді.
(75:29) Балтыры, балтырына оралады.
(75:30) Ол күні Раббы жаққа айдалады.
(75:31) Сонда ол, мойындамады да намаз оқымады.
(75:32) Бірақ, жасынға шығарып бет бұрды.
(75:33) Сосын ол, кердеңдей басып, үйіне кетті.
(75:34) Саған пәле келсін,
(75:35) Сосын сені пәле басқыр!
(75:36) Адам баласы бос қоя берілеміз деп ойлай ма?
(75:37) Ол, тамызылған бір тамшы мәни емес пе?
(75:38) Сосын ол, ұйыған қан болды. Сонда Алла жаратып бейнеледі.
(75:39) Сонда одан ер, әйел екі жыныс жаратты.
(75:40) Бұларды жасаған Алланың, өліктерді қайта тірілтуге күші жетпей ме?